49/2024-2025 

Aizawl, 04.04.2024: Vawiin khan Aizawl DC Conference Hall-ah Lok Sabha inthlanpui lo awm tur atana candidate te sum hman dan enfiahin First Inspection of Registers chu Expenditure Observer Pu Arvind Sharma leh Pi Anita Rinesh hovin neih a ni.

He meeting ah hian candidate ten an aiawh a sum vawngtu an ruat Expenditure Agent te chu sum hmanna register hrang hrang - day to day te accounts, cash register, bank register leh bank statement leh voucher zawng zawng te enfiah a ni a. Assistant Expenditure Observer leh Accounting Team ten an lo enfiahna atana candidate te sum sen an lo chhinchhiahna Shadow Observation Registers leh Folder of Evidence te keng bawkin sum sen leh chhinchhiah dan enfiah a ni.

Tun inthlanpui atan hian Mizoram a candidate te chuan cheng nuai 95 thleng campaign na atan sum an hmang thei a. Vawiin meeting ah hian Expenditure Observer te chuan expenditure agent te chu an rinawm leh fimkhur takin sum vawng turin an chah a. Accounting team te nen inpawh taka thawk ho turin an chah bawk.

He meetingah hian Mizoram pum tana RO Pi Nazuk Kumar, Aizawl DC ni bawk leh Expenditure Monitoring Nodal Officer leh Assistant Nodal te an tel bawk a ni.