Vawiin khan Lunglei DC Office Chamber ah Systematic Voters Education and Electoral Participation (SVEEP) hmalakna hnuaia Painting Competition ti tha lawmman sem a ni.

Painting Competition lawmman te hi Lunglei DC Dr Ankita Chakravarty, Lunglei SP Pu C. Lalthanmawia leh Lunglei Election Officer Pu James Lalnithanga ten hlanin Certificate leh cheng sang nga (Rs. 5000/-) theuh hlan an ni. Lawmman dawngtute hi Enos Lalhmangaihsanga Pachuau, D&D HSS, Lalmalsawma Sailo, HATIM leh C. Lalsiamkima, GHSS Lunglei te an ni.

Systematic Voters Education and Electoral Participation (SVEEP) hi mi puitling vote nei thei chin India khua leh tui dik tak ten vote neih hlutna an hriat thar lehzualna tur leh vote thlak pawimawhna leh vote thlak ngei tura dan in min phut thu te inzirtirna a ni. Lunglei District-ah kumin inthlanpui atana SVEEP hmalakna hi hlawhtling taka neih niin Slogan Writing Competition, Painting Competition, EVM leh VVPAT hmelhriatna ‘Awareness Campaign’, Mobile Polling Stations, Electoral Literacy Campaign, Bike Rally, TV Talkshow te neih a ni.