2210/2024-2025

2024 Mimkut thla ni 25: Swachhata Hi Seva 2024 kalpui mekah vawiin khan Urban Development & Poverty Alleviation (UD&PA) Department, Lungleia thawktute leh Mizoram Polytechnic Lungleia zirlaite leh zirtirtute chuan Hrangchalkawna Polytechnic junction kawngpui kam hnim leh bawlhhlawh then fai hnatlang an thawk.

Hrangchalkawn CTU hi Swachhata Hi Seva 2024 kalpui chhunga Lunglei khawpui huam chhung (urban area)-a vantlang hmunhma then fai ngai bik [cleanliness target unit (CTU)] ruahman pariat zinga pakhat a ni a. Hnatlangah hian Mizoram Polytechnic Lungleia zirlai leh zirtirtu leh UD&PA Lungleia thawktute mi 300 chuang an thawk chhuak a. Kawng kam hnim an sam fai bakah, a paihna hmun ni lova bawlhhlawh paihte an thian fai a ni.

Nimin khan UD&PA-a thawktute chuan College Veng Branch YMA te nen Ṭhuamluaia Mual CTU tihfai hnatlang an thawk bawk a. Heti hian Swachhata Hi Seva 2024 kalpui chhung hian CTU ruahman pariat zinga panga - Zotlang CTU, Rahsi Veng CTU, Pukpui CTU, Ṭhuamluaia Mual CTU leh Hrangchalkawn CTU-ah te faina hnatlang hi thawh tawh a ni.

Attachment

  • Loading attachment...