2280/2024-2025

2024 Mimkut thla ni 28: Swachhata Hi Seva 2024 hnuaia faina beihpui thlak kalpui mekah vawiin khan Urban Development & Poverty Alleviation (UD&PA) Department Lunglei te, Lunglei Municipal Council (LMC) te, Lunglei District Sainik Welfare & Resettlement Office (DSW&RO) leh Mizoram Ex-Services League (MESL) Sub-Headquarters Lunglei te ṭang ho chuan Lunglei khawpui chhunga awm, indonaa ram tana nun hlante hriat rengna lungphun, War Memorial Lunglei hmunhma leh a chhehvel tihfai hnatlang an thawk.

War Memorial Lunglei hi Swachhata Hi Seva 2024 kalpui chhunga Lunglei khawpui huam chhung (urban area)-a vantlang hmunhma then fai ngai bik ruahman (cleanliness target unit - CTU) pariat zinga pakhat a ni a. Lunglei khawpui lailia awm niin, DSW&RO office-in an enkawl a ni a. Indonaa ram tana nun hlante hming chuanna leh anmahni hriat rengna lungphun pahnih a awm a ni.

War Memorial Lunglei CTU tihfai hnatlangah hian UD&PA, LMC leh DSW&RO-a thawktute leh MESL member (sipai bang)-te mi 45 vel an thawk chhuak a. War Memorial hmunhma hnim thlo faiin, bawlhhlawh awmte an thian fai a ni.

Heti hian Swachhata Hi Seva 2024 kalpui chhunga Lunglei khawpui huam chhunga CTU ruahman pariat - Zotlang CTU, Rahsi Veng CTU, Pukpui CTU, Ṭhuamluaia Mual CTU, Hrangchalkawn CTU, Theiriat CTU, Pialthleng Hnar CTU leh War Memorial CTU te chu tihfai zawh a ni ta a. UD&PA Lungleia thawktute chuan he'ng CTU tihfai tak vantlang hmunhmate hi Lunglei khawpui hmel lanna leh vantlang hmun pawimawh tak tak an nih angin fai leh thianghlim taka enkawl zui zel tur leh tibawlhhlawh lo turin mipuite an ngen a ni.

Attachment

  • Loading attachment...