1358/2022-2023

Lunglei the 26th, July 2022: Vawiin khan DC's Conference, Hall Lunglei ah Pu Kulothungan A, IAS, Deputy Commissioner leh District Election Officer, Lunglei ni bawk chuan Tipperaghat Village Council Draft Electoral Roll 2022 a tlangzarh a ni. Tipperaghat VC Member Pu Sasanga Chakma a boral avangin Mizoram State Election Commission duhdan angin a hmun ruak hnawhkhat turin Bye Election neih tura tih a ni.

Roll tlangzarhna hunah hian ERO Pu H. Zonumawia bakah BLO, VCP, YCA, Election kaihhnawih official leh Political Party aiawh te an tel a ni.

Draft Electoral Roll hi DC Office, Lunglei, SDO (C) Tlabung leh BLO, Tipperaghat ah  te  en theih a ni. VC02096-Tipperaghat Draft Electoral ah hian vote nei mi 1069 awmin mipa- 578 leh hmeichhia 491 an ni.

Bye Election atana Revision of Electoral Roll hun ruat te chu ni 26/7/2022 ah Draft Publication Electoral Roll, ni 26/7/2022 - 31/7/2022 Submission of Claims & Objections, ni 03/8/2022 thleng Disposal of Claims & Objections leh ni 08/8/2022 ah Final Publication of Electoral Roll neih tur a ni. India khua leh tui Schedule Tribe kum 18 tling te chuan Form-3 hmangin Electoral Roll ah in thunluh theih a ni.