1357/2022-2023

Mamit 26th July, 2022 : Vawiin khan DC Conference Hall, Mamit-ah Village Council Bye Election lo awm tur atana Summary Revision of Electoral Roll, 2022, 55-Phulpui West leh 58- Rajiv Nagar-1 Village Council Constituency chu Draft Electoral Roll tlangzarhna neih a ni a. Pu Lalhmachhuana, Asst. District Election Officer chuan he hun hi a kaihruai.

Pu Lalhmachhuana chuan VC pahniha Bye Election neih a tul nachhan sawifiahin Phulpui West VCP ni lai Pu Lalthansanga chu Ni 24.3.2022 khan a boral a. Rajiv Nagar-1 VCP ni lai Pu Sashi Bushan Chakma chu Ni 21.4.2022 -a a boral bawk avangin heng VC pahnihah hian Bye Election neih tur anih thu a sawi.

Vawiina Draft Roll tlangzarh tak atanga a lan danin 55-Phulpui West-ah vote nei mipa 283 leh hmeichhia 268 an vaiin vote nei 551 an awm mek a. Vote nei punna hi -11.97% a ni. 58-Rajiv Nagar-1 -ah hian Vote nei mipa 711 leh hmeichhia 684 an vaiin 1395 an awm mek a. Vote nei punna hi 2.36% a ni. Phulpui West VC Rolls, 2022-a Voters an tlem nachhan hi Tripura Transit Camp-a awmte paih (deleted) an nih vang a ni.

Draft Electoral Roll tlangzarh tak chungchanga sawisel duh leh complain nei duh tan Submission of Claims & Objection hi Dt.31.07.2022 leh Disposal of Claims & Objections hi Dt.03.08.2022 atangin thehluh theih a ni anga, Final Publication of Electoral Rolls hi Ni 08.08.2022 a neih tur a ni ang.

Vawiina Draft Roll tlangzarh tak hi Political Party hrang hrang aiawhte hnenah hlan nghal niin he hunah hian ERO/AERO, Phulpui West leh Rajiv Nagar-1, Khawtlang hruaitu hrang hrang aiawh, Zirlai pawl aiawh, Political Party hrang hrang aiawhte bakah thutharthehdarhtute an tel a ni.