2560/2023-2024

LUNGLEI; the 31st October,2023: Vawiin chawhma dar 11:00Am khan India ram hmundang te rualin, Lunglei district-ah pawh Office tinah Head of Office te kaihhruaina hnuaiah Rashtriya Ekta Diwas ( National Unity Day-Ram inpumkhatna Ni) urhsun taka hman a ni. District Administration inngahna Deputy Commissioner Office staff te pawhin Pi Ramdinliani IAS kaihhruaina hnuaiah he hun hi urhsun takin DC Conference Hall-ah an hmang.

He hunah hian DC chuan thu sawiin, vawiin hi Sardar Vallabhbhai Patel piancham denchhena he hun hi hmang kan ni a.Sardar Vallabhbhai Patel hi  India rama  Deputy Prime Minister leh Home Minister hmasa ber a ni a, India Ram impumkhat nana a thawhhlawk em avanga Sardar( Chief) tih hial koh a ni a,India ram in Zalenna a hmuh lai khan India ram chu British in direct-a a awpbeh( British India)  leh  Lal te kal tlanga a awpbeh( Princely State) 565 lai an awm a. Chung princely state 565 ten India rama  an beh  vek theih nana thawktu ber a nih a, Iron Man of India tih a koh hial a ni. All india Services dinchhuaktu a ni a,Patron saint of India’s civil servants an ti thin bawk. Chuvangin vawiin kan hun hman leh thutiam kan lak lai hian Sardar Vallabhbhai Patel leh hruaitu ropui dang ten India ram inpumkhat nana an thawhrimna leh inpekna te hre chhuak thar leh i la, India ram inpumkhatna atana mahni zawn theuh va thawktu ni tur leh India ram inpumkhatna chawinungtu ni theuh turin i inhlan thar leh theuh ang u, tiin staff kalkhawm te  a chah hnuah Deputy Commissioner Pi Ramdinliani chuan Ram inpumkhatna thutiam(Rashtriya Ekta Diwas Pledge)  chu a staff te nen an la ho ta a ni.