No.4347/2020-2021 

Lunglei the 21st, Aug’2020: Vawiin chawhma khan Pu. J. Miahlung, Election Officer, Lunglei kaihhruaiin a office chamber-ah Village Council inthlan ni 27th August, 2020 a Polling Station inbiakpawh harsatna hmun a duty tur Returning Officer te nen  information /report pek theih dan ngaithtuah hona neih a ni.

Lunglei District chhunga Village Council inthlanna tura inbiak pawhna( Mobile Signal) awm that lohna Polling Station 18 a awm a, State Election Commission duhdan angin chhun dar 12Pm leh tlai dar 5Pm hmain  voter turnout report  Lunglei ah whatsapp emaw tawngka emawa thawn tura tih a ni a.Mobile signal that lohna  Polling Station atanga report thawn theih anih loh chuan Returning Officer in messenger rawih hmangin khaw pawn  mobile signal awmna hmun hnai ber atangin whatsapp  emaw tawngka in emaw  report thawn tura rel a ni. 

Kan hma lawka VC Election neih turah Lunglei District-ah Constituency 113 awmin seat 481 (General – 351 leh Reserved 130) a awm a, contesting candidate 1418 awmin general atangin mi 1071 leh reserved ah mi 347 candidate an awm a ni. Hmeichhia pahnih general seat a in contest awmin Khojoysuri leh Zawlpui khua atangin pakhat ve ve an ni. Inhnukdawk mi 24 an awm bawk a ni. Polling party te chet chhuah dan tur ‘Lunglei District Movement Plan’ pawh siam fel tawh niin Lunglei District Chief Master Trainer Pu K.Lalrohlua kaihhruaina hnuaiah training kalpui mek zel a ni bawk.