No.7771/2020-2021

Vawiin khan Saikuti Hall, Lungleiah chhiatrup thlen thulha khawtlang hruaitute anlo inbuatsaih lawk dan tur leh chet lak an thiam dan tur zirhona hun ‘Capacity Building and Training Programme on Formulation of Village Disaster Management Committee’ buatsaih a ni. He training-ah hian Lunglei District chhunga VC 113-te tel vek tura tih niin District chhung khaw hrang hrang atangin khawtlang hruaitute an kalkhawm.

Training hawnna hmanpuitu Lunglei Deputy Commissioner Pu Kulothungan A chuan khawtlang hruaitu kalkhawmte chu sawrkar hmalakna hrang hrangah a bulthuta awm, mipui dinhmun hrechiang ber tu leh mipuite ngheng hnai ber tu an nih avangin ram hmasawnna kawng hrangah leh mipuite venhimna kawngah an pawimawh takzet a ni, a ti a. Mizoram chuan khaw tin leh veng tinah khawtlang hruaitu thahnemngai tak tak te leh tlawmngai pawl hma la chak tak te a nei chu vanneihthlak tak a ni tiin hei hi India ram state dangah ala hmuh ngai loh thu leh entawn tlak a tih thu a sawi a. Mizoram chu lirnghing na tak thlen theihna hmun Seismic Zone V ah a awm avangin chhiatrupna lo thlen hmaa lo inpuahchah lawk le halo thlen thulha inkaihhruaina mumal tak kan loh neih lawk a tul takzet a ni tiin kalkhawmte chu training hlawkpui taka hmang tur leh zawhna leh hriatchian duh an neihte inthlahrung lova zawt turin a chah a. Lunglei District tana a hmachhawp pawh sawilangin Deputy Commissioner chuan khaw tin tlawh chhuah a tum thu leh an dinhmun leh harsatna neihte a hmunah ngei zirchian a tum thu kalkhawmte a hrilh a ni.

Training hawnna inkhawm hi Lunglei SDO (S) Pu M.Misael in a kaihruai a ni. Vawiin training-ah hian Pu Collin Hlychho, SDC i/c DMR chuan ‘Introduction and formulation on Village Disaster Management Committee’ tih thupui hmangin zirtirna a pe a. Pi Chaupari Pachuau, District Organiser, DM&R chuan ‘Role of Village Disaster Management Committee and Village Disaster Management Plan’ chungchang a zirtir bawk.

Village Disaster Management Committee (VDMC) hi Mizoram kawh tinah din thin niin Veng/khaw chhunga Disaster management lama ruahmanna siamtu leh rikrum thil emaw chhiatna a lo thlen a rorel rorel khawl leh remruattu an ni a. VDMC composition chua hnuaia tarlan ang hi a ni: