2857/2023-2024

LUNGLEI; the 27^th November,2023: Vawiin chawhma dar 9:30Am atang khan Saikuti Hall-ah  Lunglei District chhunga MLA Constituency 6-a RO,ARO leh IT team ten Vote Counting Rehearsal an nei.Lunglei District hnuaiah MLA Constituency 6-a vote tla chhiar tur hian  Counting officials 171 an awm, chungte chu: Counting supervisor -57, Counting Assistant -57 leh Micro Observer -57 te an ni a, heng bakah hian Constituency tin hi RO leh ARO te bakah observer 1 theuh vin an vil dawn a ni.

Lunglei District hnuaia MLA constituency 6-a vote tla te chhiar nan hian Saikuti Hall Ground Floor-ah Counting Room 6 siam a ni a.Vote hi Round 4 a chhiar zawh tura ruahmanna siam a ni a, Postal ballot atang bul tanin dar 8:30 ah EVM CU te chhiar theih tura ruahman a ni.  Round wise-a Constituency tina counting table awm zat(round khat zel a polling station chhiar tur zat) chu: 

30-Lunglei North AC—7

31-Lunglei East AC ----6

32-Lunglei West AC— 6

33-Lunglei South AC—10

34-Thorang AC-----       10

35-West Tuipui AC----  8

Lunglei District chuan vote chhiar tura inpuahchahna chak takin kalpui mek zel a, tunah pawh hian a inpeih thawhkhat tawh  a ni.