2856/2023-2024

Khawzawl, 27th November 2023: Mizoram Inthlanpui 2023-a vote tla te chhiar tura inpuahchahna chu chak takin Khawzawl District-ah pawh kalpui mek zel a ni a. Vawiin khan Khawzawl DC office-ah service voter-te vote ‘Electronically Transmitted Postal Ballots’ pre-counting demo leh Suvidha Test-login te neih a ni.

December ni 3-a vote chhiar hunah hian, Electronically Transmitted Postal Ballot System (ETPBS) hmanga vote tla te chu an nung ngei em tih finfiah hmasak tur an ni a; vawiinah hian service demo vote 100 te chu an nung ngei a ni tih fiah chhin a ni. 22-Tuichang A/C a vote tla te hmangin ENCORE-ah result siam chhin a ni bawk.

He hunah hian Khawzawl District Election Officer Pu K.Lalrohlua, Election Officer Pu Timothy R. Lalhmangaiha leh SDC Pu Elijah LH Sanga te bakah Election Staff te an tel.