No.4300/2021-2022

Aizawl the 17th March, 2022 : District Election Officer, Lunglei in SVEEP (Systematic Voters’ Education and Electoral Participation) programme hnuaia slogan inphuahsiakna leh poster design intihsiakna a buatsaih chu zawhfel niin vawiin khan DEO & DC, Lunglei Pu Kulothungan A hovin a office chamber-ah lawmman semna hun neih a ni. Lawmman semna ah hian Lunglei Additional DC Pu K. Lalrohlua, Election Officer Pi C. Lalduhzuali te bakah Lunglei District SVEEP member-te an tel a ni.

“MY VOTE IS MY FUTURE — POWER OF ONE VOTE” tih thupui hmangin slogan leh poster design intihsiakna hi neih a ni.

Lunglei DC & DEO Pu Kulothungan A chuan democracy hrisel tak kan neih theihnan khua leh tui ten kan dikna chanvo leh kan mawhphurhna te kan hriata kan ngaih pawimawh tlan a tul a ni tiin Voter Awareness Contest-a tel zawng zawng te chungah lawmthu a sawi a. Ram leh hnam siamna hmanraw pawimawh ber chu ramhruaitute thlang chhuak tura vote thlak a nih avangin mitinin electoral roll-a inziahluha vote thlak kan ngai pawimawh tur a ni, a ti bawk.

Election Commission of India buatsaih India ram pum huap Voter Awareness Contest intihsiakna kalpui mekah Lunglei District atangin entry 20 chuang awm tawhin intihsiakna hi 31st March thleng hun hawn a ni. Lunglei DC & DEO chuan Disitrict mipuite he intihsiaknaa tel ve ngei turin a sawm bawk a ni.

SLOGAN INPHUAHSIAK LAWMMAN DAWNGTUTE
1st Prize Vansangzuali Ralte, Rahsiveng : Citation + Rs 1500
2nd Prize Sawmtei Chawngthu, Venglai Lunglei: Citation + Rs. 1000
3rd Prize K Rosangzuali, Zodin, Tlabung : Citation + Rs. 700

Slogan Inphuahsiak a judge hi Pi C. Lalremruati, DIPRO & Member, SVEEP Core Committee, Lunglei a ni.

POSTER DESIGN LAWMMAN DAWNGTUTE
1st Prize V. Lalnienga, Venglai, Lunglei : Citation + Rs 3000
2nd Prize Santona Das, Lunglawn, Lunglei : Citation + Rs. 2000
3rd Prize V. Lalliansanga, Bazar Veng, Lunglei : Citation + Rs. 1000

Poster Design a judge hi Pu David Lallawmsanga, District Coordinator NYK & Member, SVEEP Core Committee, Lunglei a ni.