No.7870/2020-2021

Lunglei, 22nd March, 2021: Vawiin khan PHE Department Conference Hall Lunglei ah World Water Day pualin hun hman a ni. Word Water Day ah hian thupui atan 'Valuing Water' tih hman a ni a, hemi puala inkhawm hi Er.Laltlanchhunga E.E PHE, Rural Watsan Division Lunglei in a kaihruaia, Pu K.Lalrohlua Project Director DRDA Lunglei chu khuallian a ni.

Pu K.Lalrohlua chuan thu sawiin Kum 2019 khan Mizoram Water Policy tlangzarh a lo ni tawh a, Irrigation & Water Resources Minister Pu C. Lalrinsanga'n heng policy tha tak tak te a taka hman chhoh chungchang ah official leh mipui ten mawh kan phur tiin an lo sawi tawh a, kan mawh phurhna kan chian a, tan kan lak thar a tul takzet a ni, a ti a. Mizoram chu kum tin ruahtui malsawmna kan dawng thin a. Chutih laiin khua a thal chho a, tui in turah kan buaia ruah tui kan dawng tha a, a dahkhawlna lamah tan lak a tul hle a ni a ti.  Kan lui tui humhalh kawngah tan kan lak hle angai bawk a, luikam thing leh mau te zuah angaiin tui a cheng nungcha thlengin an chenna tlak a lui tui kan enkawl angai hle a ni Pu K.Lalrohlua chuan tiin, tun ang renga thing lei Mau te dimdawi lo taka kan khawsak reng chuan kan tuihna te a kang zel anga, tuia cheng nungcha te an rem zel bawk anga kan hmabak hi a thim hle a ni tiin, tuihna tha tak nei tur leh tuia cheng nungcha te an pun zel theih nan Luikama thing leh Mau te humhalh kawngah mitin ten tan i la thar ang u a ti a ni. 

He hunah hian David.Lallawmsanga UNV/DYO, NYK Lunglei pawhin thusawia hun hmangin tui thianghlim mamawhna a san zel laiin, indaihlohna a sang ve zel a ti a, hetiang a nih avang hian tui thianghlim khamkhawp nei tura tan lak zel dan tur leh NYK ten hemi kawnga hma an lo lak tawh thin dan te a tarlang a ni. Vawiina World Water Day lawmna hunah hian Pi Lalenkawli Pautu leh Esther.Hnamte ten zaiin kalkhawm te an awi a, tuihna humhalh kawnga hma la tha te hnenah lawmman sem a ni bawk.