978/2026-2027

Lunglei, 2026 Nikir thla ni 12: State Election Commission (SEC) thu chhuak angin Lunglei District-ah Zotlang Local Council (LC) leh Bunghmun Village Council (VC) te chu an member boral an awm avangin by-election buatsaih tur a ni a. Chumi atan chuan vawiin khan Lunglei DC Conference Hall-ah Deputy District Election Officer, Additional Deputy Commissioner Pi Zoramdini chuan draft electoral roll a tlangzarh.

Draft electoral roll tlangzarh hi Election Officer Pi Lalhruaitluangi'n a kaihruai a. Election official-te bakah, political party ai awhte leh tlawmngai pawl ai awhte an tel.

By-election buatsaih turah hian Zotlang LC tan Pi TT Beikhaizi, Sub-Divisional Officer (Sadar) chu Municipal Electoral Registration Officer (MERO)-ah ruat niin, Bunghmun West VC tan Pu Beitlotha Nohro, District Local Administration Officer/District Transport Officer chu Electoral Registration Officer (ERO)-a ruat a ni bawk.

State Election Commission thu chhuak angin he'ng by-election neihna tur veng huam chhunga mite chuan Electoral Registration Officer hnenah vawiin, June 12 aṭanga June 24, 2026 thlengin electoral roll-a thun leh paih an dil thei ang a. Final electoral roll hi July 7, 2026-ah tihchhuah tur a ni.

Lunglei District-a LC leh VC by-election buatsaih turah hian January ni 1, 2026-a kum 18 tling chinte chu electoral roll-ah hian thun theih an ni dawn a. June 12 – 24, 2026 (claim and objection period) chhung hian MERO leh ERO kaihhruaina hnuaiah electoral roll-a thun thar te, boral tawh paih leh non-tribal paih te kalpui tur a ni.