979/2026-2027

Dated Khawzawl, the 12th June 2026: Vawiin khan Kumin July ni 1, 2026 atanga India ram puma hman tan tur, MGNREGA thlaktu Viksit Bharat - Guarantee for Rozgar and Ajeevika Mission (Gramin) Act, 2025 (VB-G RAM G Act) chungchang inhrilhfiahna leh inbuatsaihna hun "District Level Orientation Programme on VB-G RAM G" chu Zaingen YMA Hall, Khawzawl neih niin Khawzawl Deputy Commissioner leh District Programme Coordinator (VB G RAM G), Khawzawl District nibawk Pu K. Vanlalthiana’n khuallian niin a hmanpui.

He Orientation Training hi Pu K. Lalhmuakliana, Project Director, DRDO Khawzawl chuan a kaihruai a, Khuallian                Pu K. Vanlalthiana chuan thusawiin District Level Orientation Training Programme, Khawzawl District huap a buatsaih thei a ni chu lawmawm a tih thu sawiin, he scheme thar hian thingtlang mipuite chawmna hna leh inhlawhna mimal tin tan a siam belh dawn rualin, khawtlang hmasawnna tlo tak a thlen theih nan mawhphurhna la thar turin kalkhawmte chu a chah a ni.

He hunah hian VB-G RAM G Act hnuaia kalphung thar, inhlawhna ni 100 atanga ni 125-a tihsan a nih dante, loneitute puala kum khata ni 60 chhung seasonal pause (hnathawh chawlh) siam a nih dante leh hna thar kalpui dan turte chipchiar taka zirtirna neih a ni a. Resource Person ten thupui hrang hrang “The Mizoram Viksit Bharat Guarantee for Rozgar and Ajeevika Mission (Gramin) Scheme, 2026 (An overview)” Pu Timothy R. Lalhmangaiha, BDO Khawzawl, “ Viksit Gram Panchayat Plan (VGPP) & Convergence” Pu James Ronghaka, Addl. Programme Officer (VB-G RAM G). Khawzawl RD Block, “Estimates, Sanctioning & Work Execution (Including Focus areas of VB-G RAM G)” Pu Lalhunchhunga, Works Manager (VB-G RAM G), Khawzawl District leh “Role of Village Gramin Rogzar Council & Village Vigilance and Monitoring Committee under VB G RAM G” Pi Lalnunsangi, Addl. Programme Officer (VB G RAM G), DRDO Khawzawl ten Power Point Presentation hmangin zirtirna hlawkthlak tak an pe a ni.

Mizoram State hi Viksit Bharat - Guarantee for Rozgar and Ajeevika Mission (Gramin) Act, 2025 (VB-G RAM G Act)  hi India ram state zingah July 1, 2026 atanga hmang tan thei tura duang chhuak hmasa ber State kan ni.  He Orientation training hi Gram Panchayat level aiawh Village Gram Rozgar Council puala buatsaih a ni a, zawhna leh chhanna hun hlimawm tak hman a niin Pu F. Malsawmtluanga, Rural Accounts Officer, DRDO Khawzawl chuan lawmthusawinain he training hi a khar a ni.