Vawiin khan Parliamentary Secretary Pu K.S.Thanga chuan N.Lungleng YMA-in a nupui Pi Vanlalsawmi(L) hriatreng nana an sak Information Centre Building leh Lungleng Communtiy Hall sak zawh thar a hawng.

Community Hall hawnna inkhawm Lungleng VCP Pu Lalduhawma kaihhruaiah Parliamentary Secretary Pu K.S.Thanga chuan Lungleng YMA hruaituten a nupui hriatrengna atana khawtlang tana thil pawimawh leh tangkai tak mai Information Centre an ngaihtuah chu thinlung takin lawmthu a sawi a. N.Lungleng chu khaw inlungrual leh khaw taima an ni a, khawtlang tangrual takin sum tam than pawh ni lova Community Hall tha tak an din thei mai chu fakin, a entawntlak hle a ni, a ti. Sorkar pawhin Irrigation Project leh Tlawng Link Road tipuitling turin chak takin hma a la mek a, hun reiloteah zawh thuai a beiseiawm thu leh Lungleng khaw mipuiten tangkai taka an chhawr zui a duhsak thu a sawi bawk.

Lungleng Communtiy Hall hi kum 2003 atanga sak tan a ni a, cheng nuai 13 senga sak zawh niin a dung 70 ft. leh a vang 35 ft. a ni.