4239/2025-2026

Lunglei, 2026 Pawlkut thla ni 30: Vawiin khan Lunglei District chhunga Lungsen Aspirational Block-ah sawrkar laipui Ministry of MSME Development Commissioner (MSME) office leh Branch MSME–Development and Facilitation Office (DFO), Aizawl te huaihawtin PM Vishwakarma Scheme chungchang inzirtirna hun, District Level Awareness Programme hlawhtling taka buatsaih a ni.

Lungsen BDO Conference Hall-a hun buatsaihah Assistant Director Grade–I and In-charge, Br. MSME–DFO, Aizawl Pu Samrat M. Jha, IEDS chuan inlawmna thu a sawi a. PM Vishwakarma Scheme thil tumte tar langin, kutthemthiam leh kut hnathawktute chawi kan nana he scheme pawimawhna a sawi fiah.

Khuallian, Lungsen BDO Pu Lalhruailiana Zote chuan he scheme hi mipuite'n ṭangkai taka an hman a, a hlawhtlin theih nan sawrkar department hrang hrangte ṭan rual a pawimawh thu a sawi a. Pi R. Lalbiaktluangi, Domain Expert, PM Vishwakarma, Lunglei District; Pu R. Lalmalsawma, Lead District Manager (LDM), Lunglei District; Pu Lalnun Tuanga, State Head, India Post Payments Bank (IPPB), Mizoram; leh Pu Ronald Lalchhuanawma, DCIO, Lunglei District-te pawhin thu an sawi.

Hemi hnu hian technical session hman zui a ni a. Hetah hian RAMP, Lead Bank, Br. MSME–DFO leh IPPB aṭanga mi thiam (resource person)-te kaihhruaiin tun lai changkanna leh internet kal tlanga sumdawn dan te, sumdawnna ṭan nana hriat tur pawimawh leh bank kalphung te, MSME scheme hrang hrang te, PM Vishwakarma hamṭhatna dawngtute Udyam Registration (URC/UAP)-a inziah luh dan leh QR Code siam dan te zir ho a ni.

He hunah hian Lungsen leh a chhehvela kutthemthiam te, scheme dawng thei tur te, department hrang hranga officer-te leh bank ai awhte an tel a. Zawhna leh chhanna hun hlawhtling tak hman ni bawkin, scheme-in a huam chin te, hamṭhatna awmte leh hma lak dan tur chungchanga zawhnate fiah taka chhan a ni a. Br. MSME–DFO, Aizawla Young Professional Pu Lalṭhakima'n lawm thu sawiin hun a khar.