3245/2023-2024
Khawzawl, 5th January 2023: Village Council By-Election neihna tur Lungtan VC huamchhungah Model Code of Conduct puan niin, a hnuaia mi ang hian Khawzawl DEO Pu K. Lalrohlua chuan hriattirna a chhuah.
State Election Commission, Mizoram chuan January ni 4, 2024-a Lungtan a By Election to Village Council, 2024 neih a nih tur thu a puan bawhzuin Model Code of Conduct chu Khawzawl District-a Lungtan Village Council huamchhunga Sawrkar hnathawk zawng zawngte tan ni 4 January, 2024 atanga ni 1 February, 2024 chhungin hman nghal a ni.
1) Sawrkar hnathawkte chuan Election thilah duhsak bik an nei tur a ni lo a, Candidate tute tan mah a tha zawng emaw, a chhe zawng emawin an inhnamhnawih tur a ni lo.
2) Sawrkar hnathawkte chu Candidate-te tanpuina kawngah reng reng an tel tur a ni lo.
3) Sawrkar hnathawkte chuan Campaign-na hmunah thusawi emaw, tel ve emaw, langsar taka inpholan emaw an ti tur a ni lo.
4) Sawrkar hnathawk tumahin Minister zui emaw Election thila Political Party-te thiltihnaah an tel tur a ni lo.
5) Political Party hrang hrangte nena Official thil tihna reng rengah Sawrkar hathawkte chuan tan lam nei loin, neutral takin an awm tur a ni.
6) Sawrkar hnathawkte chu Model Code of Conduct bawhchhia chu CCS Rules 1965 hmanga hrem theih an ni ang.
