Vawiin chawhma dar 10 : 30 khan District Playground Saiha-ah Mara Kut zinga ropui ber “LYUVA KHUTLA- 2014” chu ropui leh urhsun taka hman ani.
He hun Pu TA Chhohu, Chairman, Lyuva Khutla Organising Board kaihhruaiah hian Pu K.Riachho, IAS(Rtd), Chairman, MPSC chu khuallian a ni. Kut hawnna hla MHP (Hqrs) Saiha ten an sak hnu ah Rev Dr M.Zakawnia, Moderator, ECM (Hqrs) Saiha in hunserh a hmanga Khuallian in Kut puanzar a pawhpharh hnu ah thuchah sawiin Lyuva Khutla hi hmanlai Mara pi leh pu ten an lo hman thin ani tiin he Kut hunah hian nula leh tlangvalte chu khawchhung a mi khawsa thei deuh te kawtah an lama, chu chu “O doh” an ti a, Lal leh khawsa thei deuh ten Sialte, Vawkte, Zu te thawhkhawm in khawtlangin ruai an theh a, an hlim thei em em ani ati. Thangthar ten he Lyuva Khutla hi kan hlut thiam a pawimawh hle a ni tiin mipui kalkhawm te chu duhsakna a hlan a ni.
He Kut ah hian MADC Cultural Troupe, New Colony MTP Branch, Siaha MTP Branch, YLA Sub-Hqrs, Saiha, College Vaih MTP Branch, Meisatla MTP Branch, ECM Vaih MTP Branch, Group-7 YMA Saiha, Council Vaih MTP Branch, Model Cultural Club, New Saiha, Siahatlah MTP Branch, M.CH.P. Hqrs, Saiha, Lialaipi Cultural Club, Meisavaih East & West MTP Branches ten hnamlam hmuhnawm tak tak an entir a. Miss & Mr Lyuva Khutla thlanna pawh neih ani. Programme karlakah zaithiam hrang hrang ten zaiin mipui kalkhawmte an awi reng bawk a, M.T.P. Branch hrang hrang, MSO leh MCHP ten a huhovin “Awkhy la” an entir a, lawmman hrang hrang te District Bawrhsap Pu Alok Swarup IAS in semna aneih hnu ah Kut kharna hla Siaha MTP Branch ten ah sak hnu ah he “Lyuva Khutla” hi tihtawp ani.
