2291/2025-2026

Lengpui Ni 19 November 2025: Ni sawmpanga (15) awh tur M-PACS Training under PMKSK hawnna programme hi Pi Ramdinliani IAS, Secretary, Agriculture & Farmers’ Welfare Department, Government of Mizoram in khuallian niin a hmanpui a. Khuallian hian KVK, Mamit District Office-a Plant Health Clinic & Diagnostic Centre (under SASCE) hawngin hun a hmang bawk a ni.

M-PACS training hawnna hun KVK, Mamit District Training Hall a hmanna ah hian Dr. Vanlalhruaia Hnamte, Sr. Scientist & Head, KVK Mamit District chuan welcome speech leh felicitation hun a hmang a. Dr. Rebecca Lalmuanpuii, SMS (Agro-Forestry) in M-PACS training neih theihna chhan leh a hlawhtlinna tura hmalakna hrang hrangte report pekna hun tawi a hmang bawk a ni.

Khuallian Pi Ramdinliani (IAS) chuan thu sawiin, Mizoram hmun hrang hrang atanga Cooperative society aiawha training nei tura kalte training hun tha leh tangkai tak hmang tur leh an society theuha an hmalakna leh hnathawh zelna tur atana thiamna zirchhuak ngei tura fuihin, Mizoram tana thahnemngai taka thawk turin a chah bawk.

M-PACS training hawnna ah hian Pu Udit Prakash Rai IAS, Commissioner & Secretary, Cooperation Department, Pu John LT Sanga MCS, Registrar of Cooperative Societies, Pu Ramnunsanga MAS, Joint Director, Department of Agriculture & Farmers’ Welfare leh Pu Lalnunsanga, Chairman MCAB Ltd. ten thusawina hun hmangin M-PACS member training tura kalkhawmte fuihna thu tha tak tak an sawi bawk.

M-PACS training tur hian Mizoram hmun hrang hranga Cooperative Societies 37 atangin member 37 te an kalkhawm a. KVK Mamit Distrct a mithiamten course hrang hrang 43, exposure visit leh practical training te duang chhuakin he training hi an kalpui dawn a ni.