2292/2025-2026

19th November, 2025: Vawiin chawhnu dar 02:00 khan Prime Minister, Shri Narendra Modi chuan India rama kuthnathawktute tuamhlawmna Scheme pui ber PM KISAN hnuaia 21st Installment chu Coimbatore, Tamil Nadu atangin Direct Benefit Transfer hmangin India rama kuthnathawktu mi Vaibelchhe 9.00 chuang hnenah a sem chhuak. He scheme hi kum 2019 atanga bul tan niin, Mizoram ah pawh Agriculture & Farmers’ Welfare Department hmalakna in kalpui chhunzawm zel a ni a. PM-KISAN hnuaiah hian kuthnathawktu ten tanpuina kum khatah Rs. 6000/- an dawng thin a, tanpuina hi kum khatah installment thum (3) in Rs. 2000/- zela pek chhuah thin a ni.

Vawiina PM-KISAN 21st Installment release na ah hian Mizoram-a kuthnathawktu mi 1,17,786 hnenah Cheng Vaibelchhe 23.5572 sem chhuah a ni a, kum 2025-26 FY chhunga installment vawi 2-na a ni a. A release-na programme hi Pu R. Lalnunzira, Director, Agriculture & Farmers Welfare Department atangin Video Conference hmangin lo zawm ve a ni a, he hunah hian Agriculture & Farmers Welfare Department atangin Pi Ramdinliani, Spl. Secretary, leh KVK official dangte leh PM-KISAN beneficiaries tha hnem tak an tel ve a ni. Tin, KVK Centres 8-ah PM-KISAN beneficiaries te leh Staff te nen pmwebcast atangin an lo hmang ve bawk a ni.

PM-KISAN hnuaiah hian sorkar hnathawk mek emaw pensioner awm lohna kuthnathawk chhungkua atangin mi pakhat zel inziahluh theih a ni a. A dawng tlak ngei la in register lo tan registration a tih theih reng a ni. Hrechiang duh chuan Directorate of Agriculture & Farmers’ Werlfare, Tuikual South leh mahni awmna District-a Agriculture Office hrang hrang ah te office hun chhungin a zawhfiah theih reng a ni.