Saiha District a tlawmngai pawl lian ber Mara Thytlia Py (M.T,P.) General Conference Vawi-27 na chu nimin Dt 7.4.2010 khan Vahai khua-ah Pu S.Hiato, Minister i/c P.H.E. etc chuan a hawng. He Conference hawnna inkhawm hi Pu B.Dawpho, President M.T.P. General Headquarters, Saiha chuan a kaihruaia, Khuallian Pu S.Hiato. Minister chuan thusawiin Mara ram leh hnam tungding tur leh siamtha turin Mara thalaiten mawhphurhna sang tak an neih thu sawiin kan ram ti nuamtu leh tihrehawm theitu chu thalaite an ni, a ti bawk. State sawrkarah Mara faten dinhmun pawimawh tak tak an chelh mek a, anni hun hi tawp sela an hnungzui tu tur an awmlo ani, tiin an hnungzui tur hian thalai te hian theihtawpchhuah a tan kan lak a ngai ani, ati bawk. Sawrkar hmalakna leh hmachhawp mek chi hrang hrangte tarlang in Chief Minister in Conference hlim taka an hman theih nan duhsakna a hian tih a sawia Conference tanpui nan Minister hian Rs 50,000/- a hlan bakah Conference thlengtu Vahai Branch M.T.P. te Hollow Guiter leh pawisa fai Rs 1000/- a hian bawk ani.
M.T.P. Conference hawnna hun a hman zawh hnu hian Minister hian Lungpuk tlangdung tang turin Vahai khua a chhuahsan a, Minister hi Saiha District Bawrhsap Pu Kunal IAS bakah District Council hotute, Department hrang hrang hotute leh Party lam hruaitu mi thahnem takin an tawiawm a ni.