Vawiin dar 10:00 khan MHIP Sub-Headquarters Champhai District Conference vawi 11-na chu Venglai Community Hall-ah hman a ni. He conference ah hian Pu P.C.Zoramsangliana, Minister i/c Art & Culture, Transport chu khuallian a ni.

MHIP Motto thupuia hmangin khuallian chuan thusawiin miten eng ang nu in nge min hmuh tih hi kan in zawhna nise tih hi ka duh a ni, kan ram kan hnam ah hian nu tlak,mi rin tlak Lalpa’n a zawng mek ni. Vawiin ah hian in ril a rahte a sualna lo thleng mekah hian kan nun te leh an nun Pathian tana hlan ngam thak hi a ngai a,an ruihtheih thil tih simna tawk chauha tawngtai hi a tawk lo. Vawiina suahsualna kan tih zawng zawng ti thin te hi kan ram a nute hrin an ni si a, chuvangin kan tu leh fate hian engangin nge min hmuh tih hi kan in enna tur a ni tiin MHIP members te chu a chah a ni. A sawi zel naah Minister chuan thil pawimawh tak chu tun conference ah hian eng ber nge kan hawn dawn, heng conference hrang hrang hi a hmang tamn berte zinga mi ka ni ve a, chungah chuan heng tlawmngai pawl hrang hrang ten inkaihhruaina dan a zamte, mahni inphat a, khua leh tui tan a tan hi a hlu in a pawimawh a ni a tia. Nu leh pate hian kan fate enkawl hman lo leka , a lutuka chhuahsan fote hi a pawi thei takzet a ni a ti bawk.

Vawiin MHIP conference ah hian member an kal tha hle a, zaithiam tak tak te an zai bawk a, naktuk hian inthlanna leh intihhlimna chi hrang hrang te nen a hman chhunzawm tur a ni.

MHIP Sub-Headquarters Champhai District  tan hian khuallian Pu P.C. Zoramsangliana chuan Rs. 10000/-,P.A system.Football 10,Volleyball 10 leh net 5 a pe. Minister hian hemi zawh hian Farkawn-a Cultural Meet a Khuallian turin a Champhai a chhuahsan.