No.4142/2021-2022
Aizawl, the 1st March,2022: Vawiin chawhma dar 11:00Am khan DC office Conference room -ah kan hma lawka MADC hnuaia MDC inthlanna lo awm tur a hman tur Draft Electoral Roll chu Pu Lalsangliana,District Election Officer leh District Bawrhsap ni bawk chuan a tlangzarh a.

Draft E /Roll tlangzarhna-ah thu sawiin; Pu Lalsangliana chuan Free & Fair Election neih tur chuan kan E/Roll atanga bul kan tan that a ngai a, Draft E/Roll hi chutiang atana hmalakna hmasa ber a ni. Draft E/Roll falfai tak chuan Final E/Roll tha a hringchhuak thin. Draft E/Roll buatsaihna kawnga nasa taka thawktu Election Officer leh a nau te, bakah BLO te,VC te, tlawmngai pawl hrang hrang te leh Party aiawh te hnenah lawmthu ka sawi tak meuh meuh a ni.Tun MDC Inthlanna kan hmachhawn turah pawh hian Free and Fair Election a awm theih nan Tlawmngai Pawl te, Political Party aiawh te, BLO leh VC member te leh sawrkar official te tha taka kan thawhho leh ngei ka beisei a, chutiang atan chuan in tawiawmna leh thawhpuina ka ngen che u a ni, a ti.

Mara Autonomous District Council hnuaiah hian MDC constituency 25 awmin, Polling Station 81 a awm. Tarik 01.01.2022 qualifying date a hmang a buatsaih Draft E/Roll tlangzarh takah hian Mipa Voter 20892 leh hmeichhe Voter 22122 an awm a, a vaiin Voter 43014 an awm mek a ni. Voter tamna ber Constituency chu 23/Siaha East-II niin,Voter 2911 an awm a. Voter tlemna ber Constituency chu 15/Amotlah niin,voter 1045 an awm thung. Voter tam ber leh tlem ber inthlauhna hi 1866 niin, hei hi Constituency 20 a voters te aiin a tam zawk a ni.

Summary Revision of Electoral Roll atana hun bithliah chu a hnuaia tarlan ang hi a ni:-

1. Publication of Draft E/Roll : 01.03.2022(Tuesday)

2. Filling of Claims & Objections : 02.03.2020 (wednesday)– 09.03.2022(wednesday) Form SR-2,3 leh 4 hmangin.

3. Disposal of Claims & Objections:
10.03.2022(Thursday) to 21.03.2022(Monday)

4.Final Publication of E/Roll: 28.03.2022 (Monday)

DEO leh Bawrhsap ni bawk Pu Lalsangliana chuan Draft Electoral Roll a tlangzarh zawhah hian Political Party hrang hrang aiawh te hnenah Draft E/Roll Hard leh Soft Copy 1 ve ve theuh a hlan hlawm a ni.