No.4435/2021-2022
Aizawl, the 29th March,2022: Vawiin chawhma dar 11:00Am khan DC office Conference room -ah kan hma lawka MADC hnuaia MDC inthlanna lo awm tur a hman tur Final Electoral Roll chu Pu Lalsangliana,District Election Officer leh District Bawrhsap ni bawk chuan a tlangzarh.

Final E /Roll tlangzarhna-ah thu sawiin; Pu Lalsangliana chuan Free & Fair Election neih tur chuan kan E/Roll atanga bul kan tan that a ngai a, Final E/Roll felfai tak vawiin kan tlangzarh theih hi ka lawm tak zet a ni. Electoral Roll buatsaihna kawnga nasa taka thawktu Election Officer leh a nau te, ERO leh AERO te bakah BLO te,VC te, tlawmngai pawl hrang hrang te leh Party aiawh te hnenah lawmthu ka sawi tak meuh meuh a ni.Tun MDC Inthlanna kan hmachhawn turah pawh hian Free and Fair Election a awm theih nan Tlawmngai Pawl te, Political Party aiawh te, BLO leh VC member te leh sawrkar official te tha taka kan thawhho leh ngei ka beisei a, chutiang atan chuan in tawiawmna leh thawhpuina ka ngen che u a ni, a ti.

Mara Autonomous District Council hnuaiah hian MDC constituency 25 awmin, Polling Station 81 a awm. Tarik 01.01.2022 qualifying date a hmang a buatsaih Final E/Roll tlangzarh takah hian Mipa Voter 20366 leh hmeichhe Voter 21960 an awm a, a vaiin Voter 42326 an awm. Voter tamna ber Constituency chu 23/Siaha East-II niin,Voter 2808 an awm a. Voter tlemna ber Constituency chu 15/Amotlah niin,voter 1049 an awm thung. Voter tam ber leh tlem ber inthlauhna hi 1759 niin, hei hi Constituency 19 a voters te aiin a tam zawk a ni.Uluk taka Claims & Objections te endik vek a ni hnuah Draft E/Roll atangin Voters 1398 paih(Deleted) an ni a, voters 712 thunbelh(Added) an ni thung. Tichuan Final E/Roll hi Draft E/Roll aiin voters 686 in a tlem zawk ta a ni.

DEO leh Bawrhsap ni bawk Pu Lalsangliana chuan Draft Electoral Roll a tlangzarh zawhah hian Political Party hrang hrang aiawh te hnenah Final E/Roll Hard leh Soft Copy 1 theuh a hlan hlawm bawk a ni.