No.4436/2021-2022
Aizawl, 29th March, 2022 : Parliament session neihah March ni 25 (Friday) khan Mizoram M.P(Rajya Sabha) Pu K.Vanlalvena chuan Assam, Mizoram leh Manipur tlangmi, Barak lui kama chengte ei leh bar zawnna tih hmasawnna tur chungchang ngaih pawimawh a tul thu a sawi a.

Pu Vena chuan Assam ram chhung Barak luia National Waterways No.6, Bhanga atanga Bangladesh ram hrula paltlanga Lakhipur pawhtu kilometre 121 a thui tuikawng chu Assam bakah Manipur leh Mizoram te nen an chhawr tlan theih dan tur sawiin Barak lui chho luan Lakhipur atanga kilometre 100 vela hla ah Tipaimukh junction chu Mizoram leh Manipur ramri hnaih a ni tih a sawi a. Tipaimukh junction atang hian kum tluanin Bay of Bengal awlsam tea thlen theih a ni tih tarlangin Pu Vena chuan Union Ministry of Ports, Shipping and Waterways chu Tipaimukh junction thlenga National Waterways No.6 tuikawng sial turin a ngen a. Hemi chungchangah hian Mizoram sawrkar Tranport Department pawhin Ministry ah rawtna a thlen tawh tih a sawi bawk a. Pu Vena chuan hei hi tih puitlin a nih chuan Barak lui hrula cheng ten nasa takin tuikawng hi an chhawr tangkai thei dawn a ni, tiin Union Minister of Ports, Shipping and Waterways Minister Sonowal chu hma la turin a ngen a ni.

Attachment

  • Loading attachment...