Mara Autonomous District Council (MADC) hnuaia Village Council General Election April Ni 17, 2018-a neih tur chungchangah election felfai tak neih a nih theih nan State Election Commission chuan thuchhuah a hnuaia tarlan ang hian a siam a ni-

1)   Vote thlak Ni ah hian candidate tupawh, anmahni puitu/tawiawmtu emaw election agent ten lirthei eng chi mah vote thlaktu tur te phurh kual nan hman phal a ni lo.

2)   Returning Officer hnen atanga phalna lak anih hnuin Candidate pakhat tan lirthei pahnih hman phalsak a ni ang.

Candidate leh an tawiawmtute lirthei-ah mipui tithlabar theitu dan phalloh thil (silai leh hmanraw dangte) an lo phur a nih chuan District Administration-in lirthei chu an man (impound) theih bakah lirthei neitu emaw lirtheia chuang emaw hemi thila candidate inhnamhnawih chu dan angin hrem theih an ni ang.