3002/2023-2024

Aizawl, Dec 11, 2023: December ni 15 thleng awh tur, MADS Annual Art Exhibition 2023 chu Lianchhiari Run Art Gallery, DIPR building, Treasury Square-ah vawiin chawhma dar 11 khan a duh apiang tlawh theih turin hawn a ni.

He Art exhibition ah hian MADS member artist mi 67 te lemziak leh lemtuk chi hrang hrang phochhuah a ni.

Inkhawm kaihhruaitu MADS President Pu Vanlalhriata chuan Art tihhmasawnna tur atan sawrkar in Nodal Department a ruat I&PR nen nasa tak hmalak thin a nih thu a sawi a. A hawnna inkhawm khuallian Pi Thanzami Tochhawng chuan artist te kutchhuak chu Mizoram lo tlawhtu mikhual thate thilpek atan hman fo theih nise a ti. MADS General Secretary Pu Lalrammawia chuan pawl hmalakna report hrang hrang a pe bawk a ni.

Vawiin a Art Exhibition hawn ni hian cheng nuai khat chuang man artist te kutchhuak hralh chhuah nghal a ni.