3001/2023-2024

LUNGLEI; the 11st, December' 2023: Vawiin chawhma khan DC Conference Hall, Lungleiah Mizoram Legislative Assembly Election 2023 neih zawh tak thlirletna District Election Officer leh Deputy Commissioner nibawk Pi Ramdinliani IAS kaihhruaina in neih a ni.

Pi Ramdinliani chuan Mizoram Legislative Assembly Election 2023 tluang taka kan zo thei hi inthlan kaihhnawiha mawhphurhna hrang hrang neitu ten mahni tihtur tha taka an hlen chhuah vang a nih thu sawiin an chungah lawmthu a sawi a. Political Party te pawh in boruak bengchheng leh uchuak taka chetna an nei lo te chu lawmawm a tih thu sawiin Election Observer te pawhin Mizoram inthlandan chu hahdamthlak an tih thu an sawi a, inthlanna felfai leh muanawm kan nei thei hi Lunglei District mipui vang a nih thu a sawiin mitin hnenah lawmthu a sawi bawk a ni.

Pu Rahul Alwal, IPS pawhin dan leh thupek kenkawh chungchangah harsatna lian a awm lo chu lawmawm a tih thu sawiin a biktakin Political Party te chungah lawmthu a sawi bawk.

He hunah hian RO leh ARO hnathawh dan te, Sector Officer te, Nodal Officer leh Polling Official te chetdan leh Law & Order te, MCC te, Election Observer te, Refreshment chungchang te sawiho  niin  a tlangpuiin hmalaknate a that thu sawilan a ni. He hunah hian Political Party aiawhte chuan RO leh ARO bakah Sorkar Official te hnathawhte chu fakawm an tih thu an sawi hlawm a ni.