3000/2023-2024

Aizawl, 11.12.2023: Vawiin khan Aizawl bawrhsap Pi Nazuk Kumar ho in DC Conference Hall ah sawrkar laipui hmalakna thar Viksit Bharat Sankalp Yatra kalpui dan tur sawiho a ni. He hmalakna hnuaiah hian mipui hamthatna tura sawrkar laipui Ministry hrang hrang hnuaia hmalakna a kalpui te chuan mipui a thlen ngei a, a mamawh tuten hamthatna an chan ngei theih nan ngawrh zawka puanzarna leh inhrilhriatna a ni.

DC Pi Nazuk Kumar chuan department hrang hrang te’n scheme in neih te mipuiin an hre tawk lo thin fo a. He Viksit Bharat Sankalp Yatra hi mipui hamthatna tura scheme hrang hrnag duan te chu mipuiin an hria tltan vek a, tangkai taka hman a nih ngei theih nan a kaihhnawih department tin te chuan ngaipawimawh turin a duh thu a sawi.

He hmalakna hnuaiah hian state pawn atangin van rawn tir in, inhrilhriatna hna hi khaw hrang hrangah kalpui a ni ang a. Welfare scheme hrang hrang dawng thei (eligible) si, la inziaklut lo si lo te hnenah inhrilhhriatna hun hmang a, sawrkar laipuiin a rawn duan anga ziahluhna hun siam leh beneficiary te nena inkawmna te a kengtel a ni. Vawiin meeting ah hian he Yatra kalpui dan tur hun leh hmun duan chungchangte sawiho a ni.

Meeting ah hian LESDE, UD&PA, H&FW, I&PR, DRDO, Social Welfare dept aiawhte leh BDO te, Lead Bank Manager te an tel a ni.