Vawiin khan Mizoram Arts Development Society (MADS) leh I&PR hotute chu I&PR Conference Hall-ah an inkawm a, Mizoram chhunga artist-te leh art hmasawnna tur kawng hrang hrang an sawiho a ni.

He inkawmhona kaihruaitu I&PR Director Pu Jim K. Chozah chuan sorkar-in art hmasawnna a ngaih pawimawh avangin Mizo zinga lemziak thiam mite tan ruahman tha tak siam sak zel tum a nih thu a sawi a. Mizo artist-te chu sorkar leh khawtlang ni pawimawhah te pawh Department nen thawhhona tha tak an nei thin avangin art exhibition vawi engemawzat buatsaih a nih theih chu lawmawm a tih thu a sawi bawk.

Art hmasawnna tura rawtna hrang hrang zingah Art Workshop nei te, Mizoram pawn lam khawpui zawkah te Mizo artist kutchhuak phochhuah dan tur te, State level art competition leh Seminar buatsaih te bakah Mizote lemziak phochhuahna tur art gallery changtlung tak din te a tel a ni.