National Assessment & Accreditation Council (NAAC) bultumin Government Johnson College chuan nihnih awh tur State Level Seminar on ‘Quality Education in the colleges of Mizoram’ chu vawiin khan I&PR Auditorium-ah a buatsaih.

Seminar hawnna hi H&TE Director Pu Zochungnunga in a hmanpui a, Mizoram College ten ‘quality education’ an ngaihpawimawh a tulzia te, pass percentage san piahlamah thiamna tak tak zirlaiten an neih theih nan college tinte tanlak a tulzia a sawi. Pu Ramhluna Hnamte, Officer-in-charge, Quality Assurance Cell, H&TE Dept chuan NAAC accreditation chungchang sawiin India rampuma college 500 chuangah NAAC accredited chu 29.9% chauh anih thu a sawi a, tin tun dinhmunah chuan NAAC accreditation chu college leh university ten tih ngei ngei a tul thu a sawi a. Hemi bakah hian sorkar laipui scheme thar Rashtriya Ukchatan Shiksha Abhiyan (RUSA) chungchang a sawifiah bawk.

He seminar-ah hian thupui pawimawh tak tak mithiamte atangin zirho leh sawiho a ni a, chungte chu : Internal Quality Assurance Cell (IQAC) chungchangte, Research leh Publication pawimawhna chungchangte, Zirtir thiamna(pedagogical skills) chungchangte, Information & Communication Technology (ICT) pawimawhnate leh Zirna kaihhnawih mihring leh thil zawng zawng pawimawhnate zirho leh sawiho bawk a ni.