Nimin khan Champhai District Bawrhsap Pu Vijay Kumar Bidhuri kaihhruaina hnuaiah Project Director, DRDA leh Champhai District chhunga BDO te chuan Mahatma Gandhi NREGA hnuaia Job card lem chungchang leh a endik dan tur ngaihtuahin an thukhawm a. A hnuaia mi ang hian Champhai District Village Council 102 a Job Card endikna leh a lem te man chhuah dan tur Deputy Commissioner chuan order a siam a ni.

1.    Champhai District khaw tina Job Card endik hna hi 12th September - 21st September 2011 chhunga neih tur a ni.

2.    Job Card endik tur hian BDO Staff te, VC te, Village Level Vigilance & Monitoring Committee leh Village Level Grievance Redressal Committee te ruat an ni. District  atangin he Job Card endikna vil tu tur Observer ruat an ni bawk.

3.    Job Card endik naah hian khawtin a Job Card zawng zawng la khawmin chhungkaw aiawh koh khawmte nen en mil vek tura ruahman a ni.

4.    Job Card endik zawng zawng te hi a endiktu ten seal chhu a sign hnanin a dik leh dik loh nemnghet vek tura tih a ni.

5.    Job Card endiktute hian khaw tin dinhmun chiang taka tarlangin ni 23.9. 2011 ral hma ngeiin Deputy Commissioner hnenah report thehlut vek tura tih a ni bawk.