Vawiin khan Assembly Speaker Pu R Romawia chuan Durtlang tui pekna tur – Durtlang Water Supply Scheme chu a hmuna tlawhin an hnathawh dan a en. Speaker hi PHE aiawh te leh Durtlang khawtlang hruaitute an tawiawm a ni.

Khawtlang hruaitute chuan Speaker hi Hmingziaktlangah an lo hmuak a. Sorkarin Durtlang tui chawmna tur ngaipawimawha hna chak taka a kalpui mekah lawmthu sawi nan Speaker hi Thangchhuah Diar an khim tir a. Hemi hnu hian Speaker chuan thu sawiin a bial Durtlang mipui ten tui lamah kum tam tak harsatna an tawh phuhruk nan Durtlang Water Supply Scheme hna kalpui mek, thawh zawh hunah chuan Durtlang mipui te tan malsawmna a nih tur thu sawiin hemi kawngah chak taka hma latu Chief Minister Pu Lal Thanhawla leh PHE Minister Pu S Hiato te chungah lawmthu a sawi bawk a ni.

Speaker hian PHE aiawh te chu hna an kalpui dan, hna zawh tawh chin leh la hmabak te a zawt a. Durtlang hmun hrang hranga Tanky sak zawh tawh, sak mek te leh tui pipe phum dan te enin a tlawh kual bawk a ni.