India Hnam Pa Mahatma Gandhi piancham chu tukin dar 7:30 khan state dangte rualin Mizoramah pawh kumdang ang bawkin Mahatma Gandhi lim awmna hmunah amah hriatrengna leh zahna entirna hun hman a ni a. He hunah hian Larsap Pu Vakkom Purushothaman, Chief Minister Pu Lal Thanhawla leh Mizoram Legislative Assembly Speaker Pu R. Romawia te chuan parthi dah in zahna an lantir a. Minister te, Parliamentary Secretary te, MLA te, Chief Secretary leh Sorkar officer dangte pawhin pangpar dahin zahna an lantir bawk.

Gandhi piancham hi Independence Day leh Republic Day-te nen Sorkar-in ram pum chawlh (National Holiday) atan a a puan awm chhun pathumte an ni a. Kum 2007 khan United Nations General Assembly chuan October ni 2 hi ‘International Day of Non-Violence’-ah an lo puang nghe nghe a ni. Vawiin hi Mahatma Gandhi pian champha phak 144-na a ni.

Attachment

  • Loading attachment...