Vawiin khan Mizoram Apex Handloom And Handicraft Co-operative Society Ltd. (MAHCO) chuan R.C.S. Conference Hall, Babutlang-ah Annual General Assembly an hmang a. Assembly hawnna inkhawm hi Pu Vanlalchhandama, Managing Director, MAHCO Ltd. in a kaihruai a, Co-operation Minister Pu J.H. Rothuama chu Khuallian a ni.
Khuallian chuan MAHCO hnathawh chu fakin Mizoram hmasawnna tur chuan mipa chauh nilo hmeichhiate pawh an pen chhuah a pawimawh zia a sawi a, MAHCO hnuaiah Mizo hmeichhia tam tak ten thahnemngai taka tha thawhin eizawnna ngelnghet an nei thei chu a lawmawm hle a ni, a ti. MAHCO chu kum 33 lai ding tawh, a tirah sum hlauh (loss) nasa thin, mahse hnathawkte tumruhna leh taimakna avangin vawiinah chuan hlawkna tam tham tak neiin an kal chho mek thu a tarlang a. MAHCO hmalakna avangin mipuiin Mizo puante man tlawm zawkin an lei thei tawh chu lawmawm a tih thu sawiin Pu Rothuama chuan Mizoram pawn hmarchhak bial state dangte leh rampumah pawh Mizo handloom leh handicraft tih lar leh hralhchhuah chu MAHCO tan chona a ni, a ti. Mizote chu puan tah thin hnam kan ni chungin handloom zawng zawnga hnathawk tam zawk chu hnamdang an nih thu sawichhuakin Minister chuan Mizo hmeichhia tam zawkten puan tah an zir chuan helamah eizawnna kawng tha tak a la inhawng a ni, a ti bawk. Co-operative atan budget-ah duhthusamin sum dah hnem thei lo mahse, sorkar chuan a ngai pawimawh hle a, chuvangin Co-operative puala ram leh In nghet din bakah sorkar laipui atanga scheme hrang hrang hnuaia tanpuina an hmuh ve theina turin theihtawpa hmalakpui an ni ang,a ti.
Vawiina MAHCO Assembly hawnna inkhawm-ah hian member kalkhawmte chuan minute 1 ngawi renga dingin ni 6.9.2009-a MAHCO Managing Director boral ta Pu Chhawnzauva sunna an nei a ni.
MAHCO Ltd. hi kum 1986-a din a ni a. La (yarn) ram pawn atanga chaw lutin Mill Gate Price Scheme hnuaiah National Handloom Development Corporation (NHDC), Guwahati kaltlangin lakluh a ni a, 2ply wool hi M/s Esskay Industries Delhi atangin lakluh a ni bawk. Tin, NHDC hian MAHCO dawr neihna Aizawl, Lunglei leh Thenzawl te hi Yarn Depot atan a ruat bawk a, chuvangin bungraw leina atanga 2.5% hi a pe let leh thin a ni. Heng bakah hian puan tahsa chi hrang hrang, loom parts leh handicrafts thil te chu MAHCO-in la khawmin a hralh chhuak leh thin a. MAHCO hmachhawp zingah Crafts Bazar/Exhibiton ruahman, Mizoram hmun hrang hranga MAHCO Emporium cheithat leh Raw Material Bank din te a ni. Kum 2008-2009 chhunga an hlawkna (Net Profit) chu Rs.27,23,119.00 a ni.
Vawiina MAHCO Assembly hawnna inkhawm-ah hian member kalkhawmte chuan minute 1 ngawi renga dingin ni 6.9.2009-a MAHCO Managing Director boral ta Pu Chhawnzauva sunna an nei a ni.
MAHCO Ltd. hi kum 1986-a din a ni a. La (yarn) ram pawn atanga chaw lutin Mill Gate Price Scheme hnuaiah National Handloom Development Corporation (NHDC), Guwahati kaltlangin lakluh a ni a, 2ply wool hi M/s Esskay Industries Delhi atangin lakluh a ni bawk. Tin, NHDC hian MAHCO dawr neihna Aizawl, Lunglei leh Thenzawl te hi Yarn Depot atan a ruat bawk a, chuvangin bungraw leina atanga 2.5% hi a pe let leh thin a ni. Heng bakah hian puan tahsa chi hrang hrang, loom parts leh handicrafts thil te chu MAHCO-in la khawmin a hralh chhuak leh thin a. MAHCO hmachhawp zingah Crafts Bazar/Exhibiton ruahman, Mizoram hmun hrang hranga MAHCO Emporium cheithat leh Raw Material Bank din te a ni. Kum 2008-2009 chhunga an hlawkna (Net Profit) chu Rs.27,23,119.00 a ni.
