Orissa Legislative Assembly Research Sub-Committee member MLA 4 leh Committee Officer 1 te chu nimin khan Aizawl an lo thleng a. He Sub-Committe hi ni 5.1.2009-15.1.2009 chhung hian state 5 - West Bengal, Assam, Meghalaya, Manipur leh Mizoram - te tlawhin heng state-a Legislative Assembly inrelbawl dan an zir dawn a ni.
 
 

 

Vawiin chawhma khan Mizoram Assembly House an tlawh a. Assembly Speaker Pu R. Romawia leh Assembly Secretary Pu Ngurthanzuala te nen inkawmna hun tha tak an hmang. Assembly Speaker chuan anmahni lo lawmin Mizoram an rawn tlawh theih avangin lawmthu a hrilh a. He Research Sub-Committee Chairman Pu Nagendra Kumar Pradhan chuan Mizoram a hmuh dan tlangpui a sawinaah state thangduang tak, a bikin ziak leh chhiar leh hmeichhiate chawikan kawnga entawntlak state a nih thu a tarlang a ni.

Sub-Committee member te hi : Pu Nagendra Kumar Pradhan, MLA, Chairman; Pu Subal Sahoo, MLA; Pu Prafulla Kumar Mallick, MLA; Pu P.C.Majhi, MLA leh Pu S.P.Patnaik, Committee Officer te an ni a. Vawiin vek khan Assam tlawh turin Mizoram an chhuahsan leh nghal a ni.

  

Attachment

  • Loading attachment...