Sorkar laipui leh MAHCO buaitsaih ni 3 chhung awh tur Handloom Fair Mamit a neih chu vawiin khan Mamit Bawrhsap Pi Lalbiaksangi'n a hawng.

Hawnna inkhawmah hian Pi Lalbiaksangi chuan Mizo puan ten ngaihlut a hlawh chho zel chu lawmawm a tih thu sawiin, puantahtute market zau zawk an neih theih na turin tan la sauh sauh turin a fuih a. Puan bih tur mai nilo a, Mizo puan te a than a lei tur a awm theih nan tan la zel turin a chah bawk.

Inkhawmna a thusawitu dang Pi JH Lalparmawii, DIPRO chuan mizo puan te humhalh a nih theih nan leh hnam dangin min chhuhsak mai loh nan hma la zel turin MAHCO leh puantahtute a fuih a ni.

Tun tum Handloom fair-ah hian Handloom neitu mi 11 Aizawl atangin an lo tel a,Pu K. Rothawmliana,Manager MAHCO in a rawn ho a ni.