No.899/2020-2021

Department of Health & Family Welfare, Government of Mizoram chuan mahni inkhunghran chungchang kaihhruaina March thla a tihchhuah kha ennawna, belh ngai te belhin a hnuaia mi ang hian a tichhuak.

HOME QUARANTINE CHU ENGE ?
Quarantine chu natna inkaichhawn theih, COVID-19 ang chi te lenna hmuna lo khawsa tawh, insawiselna nei si lo te, midang an kaichhawn loh nana mahniin emaw, sorkar hmun ruat bikah emaw khunghran hi a ni. Quarantine hi sorkarin hmun bik a ruat (Quarantine Facility) ah emaw mahni in (Home Quarantine) ah a tih theih. In lama inkhung hran hian Covid-19 an vei emaw kan ringhlel emaw tihna a ni kher lo va. Insawisel si lovin a hrik an lo pai ru thei a, midangte ven nana khunghran mai an ni.

KHUNGHRAN HUN REI ZAWNG (DURATION OF HOME QUARANTINE)
Inkhunghran hun chhung hi ni 14 a ni. Hemi hnu ni 14 dang pawh inkhung hrang tawh lo mahse mahni hriselna in enzuina hun (self monitoring) atan hman tur a ni. Quarantine period hi a tul chuan thu neitute’n an ti danglam thei ang.

INKHUNG HRANG MEKTE ZAWM TUR:
Inkhung hranna pindan chu thengthaw tha tak, a theih hram chuan a hranpaa inthiarna nei tel (attached toilet) ni thei se. A hranpaa inthiarna a awmloh chuan inthiar zawhah inthiarna (toilet) tihfai a,kut fai taka sil thin tur a ni.

* Room ah mimalin awm theih ni se; Room khatah chhungkaw member dangte khawsak ve a ngai dawn a nih chuan an khum inkarah 6 feet tal a awm tur a ni.
* Natna kai awl bik ho- kum upa, naupai, naupang, lung natna vei, zunthlum, cancer, HIV etc veite bulah a awm tur a ni lo
* Inchhung hmun dangah a tei kual fo tur a ni lo.
* Mipui punkhawmna leh mi awm khawmnaah phei chuan an kal miah tur a ni lo.

Hengte hi a zawm bawk tur a ni-
1) Sahbawn / hand sanitizer hmanga kut sil/tihfai ngun
2) Chaw eina thleng, no, bungbel, towel, bedding te midang nen hman tawm loh tur
3) Mask a vuah reng tur a ni. A Mask hman hlui chu tuma khawih theih loh turin fimkhur takin bawlhhlawh bawmah a paih thin tur a ni.
4) Inkhunghran chhungin insawiselna - khawsik, khuh,thawk harsa a neih chuan COVID-19 Helpline No102 (Toll Free)/0389-2323336/0389-2318336 hrilh vat tur.

A CHHUNGTE ZAWM TUR:
* A chhungte atangin amah buaipuitu tur bik thlan tur (Hrisel tha, natna kai awl bik kan sawi zinga mi ni lo se)
* A thawmhnaw balte kutlawnga khawih loh tur, gloves hman zel ni se
* Thawmhnaw bal leh room chhung tihfai dawnin kutkawr (Disposable gloves) hman tur
* Kutkawr hman chuan, phelh zawhah kutsil fai thin tur.
* Khunghrante hi tumahin tlawh loh tur a ni.

INCHHUNG LEH THAWMHNAW TIHFAI CHUNGCHANG:
Kan khunghrana te room leh bathroom te hi uluk taka a khat tawka Bleach/Phenol etc hmanga tihfai thin tur a ni. Thawmhnaw bal chu sahbawn/surf hmanga a hranpaa suk mai tur a ni.