Vawiin tlai dar 3:00 khan Pu P.C. Zoram Sangliana, Art & Culture Minister chu a Office-ah Mizo Academy of Letters (MAL) hruaituten an kawm a, inkawmna hun tha tak an neihah hian Dr. R.L. Thanmawia lehkhabu ziak ‘Mizo hnahthlak thawnthu’ tlangzarhna a nei nghal a ni.
Minister Pu P.C. Zoram Sangliana chuan - Thawnthu hi mitin tan a ngaihnawm a, kan piputen min hrilh thin kha kan ngaithla ning lo. Kan thawnthute hi Mizo hnahthlak zawng zawngte’n kan intawm, kan vaia min suihkhawmtu pawimawh tak ani a, Dr. R.L. Thanmawia’n Mizo hnahthlak hnam hrang hrang thawnthu a bua a chhuah thei hi a lawmawm a, Volume-I chauh a la ni rih a, Volume-V thleng chhuah a tumah hian ka duhsakna ka hlan a ni, a ti.

Mizo Academy of Letters-te nen thu leh hla tihhmasawnna kawnga an inkawmhonaah hian MAL hruaitute hian an mamawh chi hrang hrang an thlente chu Minister hian theihtawp chhuah pui a turn thu hrilhin District tin tana Museum tihphuisuina tur leh Art & Culture Centre dinna tur atan Central-a hmalak tawhna hlawhtling chho mek leh hmachhawp pawimawh tak takte a hrilh bawk a ni.