March 5, 2010 khan Dr. C.Lalthanmawia, Jt. Director (Malaria) hovin Malaria Advocacy Meeting Chawngte-ah neih a ni. Lawngtlai District hi India ramah Malaria case neit tam ber zinga mi a ni a, Malaria case hi Chawngte atanga hmuhchhuah nasat ber a nih avangin, Advocacy Meeting hi Chakma Autonomous District Council (CADC), VCP, VC member, NGO hruaitute leh Department lama hotu hrang hrangte nena neih ho a ni.

He Meeting-ah hian Dr. D.B.Chakma, Executive Member Secretary, CADC chu Chairman niin, Dr. C.Lalthanmawia chuan sawm bikte hnenah thuchah sawiin, Malaria hluar hun laiin Malaria laka invenna - thosilen, DDT leh khawsik thisen exam tir vat tura mipuite hnenah zirtir chhawng turin a fuih a ni. Chawngte ah hian Cross-border infection, ramri inkalpawh avanga Malaria natna thehdarh thin a nih avangin control a pawimawh thu Dr. Mawia chuan a sawi bawk. Hemi bakah Dr. Zochampuia, M & E Consultant in Chawngte a Malaria dinhmun chipchiar takin a sawi hnuajh Dr. Zochhuanawmi, Lawngtlai District Malaria Officer laka inveng tura chakzawka thawhho dan tur a sawi bawk a ni.