494/2025-2026

Aizawl the 20th May 2025: Vawiin khan Mizoram Agricultural Marketing Board (MAMB) hmalak nain CMERI, CDAR Post Harvest Processing and Research Centre, Airfield, Tuirialah ginger processing (sawhthing sawngbawl) dan chungchang uluk tak a in zirtirna hunhman a ni.

He hun hmanpui tu, Dr. KC Lalmalsawmzauva, Adviser to CM (IHHP) leh Co-Chairman, MAMB chuan “Kan Sorkarin a ngaih pawimawh ber leh kan sawi zin ber chu ‘Farmers First’ tih a nih angin kan ram tharchhuah te awmze neia hralhchhuak turin theihtawp chhuahin hma kan la a. Sawhthing pawh a hring ringawt a hralh lovin hmun hla zawkah kan thawnchhuah theih nan leh hnamdangin Mizoram Brand anlo hmelhriat theih nan hmalak mek niin kumtluan a sumdawnna ngelnghet kalpui turin i tangtlang zel ang u” tiin training a telte a chah a ni.

Sawhthing Sawngbawl dan in zirtirna hunah hian entrepreneur/processor Mizoram Agricultural Marketing Board hnuaia in ziak lut mi 13 te chu mi thiam leh experience nei tha tak tak ten zirtirna pe in practical training neih nghal a ni.

Mizoram a kan sawhthing thar te awmze nei zawka hralh chhuah anih theih na turin MAMB chuan kawng hrang hrangin hmalakn a kal pui mek a. Hemi zinga pawimawh tak slice dry ginger siam chhuahte hi india ram chhung mai bakah ram pawn thleng pawh a hralhchhuah anih theih nan quality tha leh rin tlak processor/emtrepreneur ten an siam a sumdawnna ngelnghet dinchhuah anih theih nan he training hi buatsaih a ni.

Training hi Pu Lalhmingmuana, MD, MAMB chuan a kaihruai a ni.