626/2024-2025

Mamit 31st May, 2024 : Vawiin khan LAD Conference Hall, Mamitah Pu V.L. Remliana, Chairman District Level Committee on Green Mizoram/ District Bawrhsap ni bawk hovin Green Mizoram Day-2024 hman dan tur relin thutkhawm a ni.

Vawiin District Level Committee on Green Mizoram, Mamit District thukhawm hian Green Mizoram Day - 2024 chu State Level Committee in a ruahman angin Ni 11th June, 2024 (thawhlehni) hian hman ve nise tih a ni a, a hawnna hun hi chawhma dar 10:00 Am ah JNV Campus-ah hman nise tih a ni, khuallian atan Pu V.L. Remliana, Chairman, DLCGM/ District Bawrhsap chu ruat niin programme kimchang duan nghal a ni.

Kumin Green Mizoram Day-2024 ah hian JNV Campus-ah thingphun nise tih a ni a, thupui atan "I nunna atan thing phun rawh" tih chu hman a ni ang.

Green Mizoram Day - 2024 ah hian Mamit District chhunga kangmei veng tha khua thlanchhuahte hnenah lawmman sem a ni ang.

Meeting-ah hian Pu C. Lalrinmuana, Member Secretary/ DFO in a tarlan danin Mamit District chhungah Green Mizoram Day hman tan 2019 atanga 2023 chhungin thingtiak 117540 phun tawh a ni a, thingtiak phun tawh sa enkawl zui kawngah Sawrkar Department, tlawmngaipawl aiawhte leh khawtlang hruaitute tan kan lak leh zual a tul thu a sawi bawk.

Meeting-ah hian Mamit District Level Committee on Green Mizoram members te an tel a ni.