627/2024-2025

Dated Serchhip, the 31^st May, 2024: Vawiin May ni 31, 2024 hi World No Tobacco Day a nih angin Serchhip District chhunga school hrang hrang ah zuk leh hmuam that lohna in zirtirna hun hman a ni.

World No Tobacco Day puala function pui ber chu Govt High School, Serchhip ah National Tobacco Control Program (NTCP) leh Women & Child Development Department te tangkawpin an buatsaih a. Function hi Lalramnghaka Kawlni, Data Entry Operator, NTCP chuan kaihruaiin Dr. Lallawmkimi Chhakchhuak, District Nodal Officer, NTCP chuan World No Tobacco Day theme “Protecting children from tobacco industry interfearence” tih thupui hmangin thu a sawi a. Pu Lalvensanga, District Mission Coordinator, District Hub for Empowerment of Women chuan hmeichhia leh naupang venhimna kawnga an hmalakna te sawiin, zuk leh hmuam leh ruihhlo laka inven a pawimawh thu a sawi.

 Pi. K. Hmingthansangi, District Consultant, NTCP chuan zuk leh hmuam leh ruihtheihthil that lohna Powerpoint presentation a nei a. Pi Maria VL Neihhlui, Counsellor, NTCP kaihhruaina in zuk leh hmuam laka fihlim tura intiamkamna (pledge) sawi rual a ni bawk.

HIMNA MADAT leh NTCP tangkawp ten Serchhip District chhunga Middle School leh High School zirlai te tan “Zuk leh hmuam, ruihhlo laka naupang venhim” tih thupui hmangin   drawing/painting competition an buatsaih a. Vawiin program ah hian lawmman te sem nghal niin lawmman dawngtute chu:

Middle Section:-

Pakhatna - Vanlalhlimpuii, LFCS

Pahnihna- B Lalhriatzuali, CMS

Pathumna- C Vanlalchhuangzuala, LFCS

High School Section:-

Pakhatna - Zodinpuii, GEA

Pahnihna- Sarah Lalbiakdiki, GEA

Pathumna- Vanlalchhanchhuahi, GEA