628/2024-2025

Hnahthial the 31st May, 2024: Hnahthial District Superintendent of Police Pu Shivendu Bhushan (IPS) chuan Rallangtlang kawng one-way siamthatna chungchangah a hnuai tarlan ang hian thu a chhuah.

HNAHTHIAL RALLANGTLANG KAWNG ONE WAY SIAMTHATNA

He Office in Hnahthial Rallangtlang kawng one-way chungchanga thupek a lo chhuah tawh No.SP (HNTL)/A-72/2019-2022/457, Dt 14.07.2022 chu he kawngpui hi laih zauh alo nih tawh avangin leh lirthei veivak a lo felfai zawk theihna turin, Gov't of Mizoram Notification No.12021/10/2004/TRF, Dt 27.05.2020 alo chhuah tawh leh Sec 115 of The Motor Vehicles (Amendment) Act hmanga lirthei tlan dantur khuahkhirhna siamthei tura thuneihna min pek angin hetiang hian thupek awmsa chu tih danglam a ni e.

1. Rallangtlang/DC Office lam pan chhohna kawng chu lirthei eng chi pawh (LMV/MMV/HMV) BRTF gate bul atangin hmarlam panin an tlan chho ang.
2. Rallangtlang/DC Office lam pan chhoh nan hian chhuah lam kawng (Horeb Lodge lam side) atangin lirthei eng chi mah tlan chhoh phal ani lo.
3. Rallangtlang/DC Office lam atanga chhukthla tur Two wheeler leh Light Motor Vehicles (Car, Bolero, Pik up, Sumo, etc.) te chu DC Office lam pan chhohna kawngah tho hian an tlan thla thei anga, an remchan zawk dan angin chhuah lam kawng (Horeb Lodge lam side) ah pawh an tlan tha thei ang.
4. Medium Motor Vehicles (407 Truck, LPK Truck, SK Tipper, etc.) leh Heavy Motor Vehicles (Heavy Truck, Bus, etc.) te Rallangtlang/DC Office lam atanga chhukthla tur erawh chu DC Office chhuahlam kawngah kual thla in Horeb Lodge lam kawngah chauh an chhuk thla thei ang.

He thupek hi Dated 31.05.2024 (Zirtawpni) atanga thupek dang a awm leh hma chu hman tan tur a ni ang.

Rallangtlang One-way siamthatna.pdf