Vawiin Dt 10th October 2012 hian DC Conference Hall Mamit-ah Mamit-a Helicopter tumna tura ruahman Luangpawl Field buatsaih dan turah Pu V. Lalremthanga District Bawrhsap hovin meeting neih a ni.

District Bawrhsap chuan Helipad atana ruahman Luangpawl Field chu thuneitute;n an rawn endik tawh thu leh tha thawkhat a an ngaihthu kalkhawmte chu hrilhin Helipad nghet kan neih hma a Helipad atana cheibawl a tul thu a sawi a, hemi atana hmalak dan turte rel zui nghal a ni.

Meeting chuan khawtlang tana Helicopter Service a tulzia hria-in lungrual takin hma lak ni se, Mamit-a sawrkar Department hrang hrang Department dinhmun azira thawhlawm khawn ni se, khawtlang hruaitute V.C te leh Tlawmngai Pawl hrang hrangte pawh a theih ang anga tang ve tura ngen ni se tih te rel a ni a, a tul anga hma la nghal turin supervising committee Pu R.S Lalzamliana Addl D.C Mamit kaihhruai turin din nghal a ni a. He supervising committee-ah hian V.C hrang hrang President theuh te, PWD hotute, 4th IR Bn hotute, Luangpawl GSA hruaitute, President Sub-Hqrs YMA bakah DRDA aiawhte an tel a ni.

He meeting-ah hian Mamit-a Departemt hrang hrang hotute NGO hruaitute leh khawtlang hruaitute an tel tha hle a ni.