Kolasib District chhung Industries Deptt. hnuaia NLUP dawngtu Carpentary leh Wood Processing I (1^st Phase) mi 24 te hnenah 2^nd instalment Rs 20,320/- theuh vawiin khan sem a ni.

 NLUP pawisa semna inkhawm hi Sub Divisional Industries Officer Office, Tuitha Vengah vawiin khan neih a ni a. Sem a nih hmaa thu sawiin Pu CT Rosiama, SDIO, Kolasib chuan NLUP dawngtute chu an trade thlan uluk leh taima taka thawk turin a chah a. Sawrkarin a thlawn liau liauva eizawnna bul a tan sak chu an vannei hle a ni tiin eizawnna ngelnghet din chho ngei turin a chah a ni.

Vawiina pawisa dawngtute hi an hna thawhna tur khawl mamawhte pek an ni dawn bawk a, chu chu Directorate of Industries, Aizawl atanga la chhuak tura tih an ni. NLUP pawisa vawina sem tak hi a vaiin Rs 4,87,680/- a ni.