Mamit a  Independence Day 2015 hmandan tur vawiin khan Mamit DC Conference Hall-ah Pu Vanlalngaihsaka, DC Mamit hovin district a sorkar office hotu te leh NGO ten an rel.

Tun kum Independence Day lawmna hi zing dar 10 ah GSA Playground ah hman ni se ti a rel a ni a. Parade entir turin Armed Contingent pakhat leh School contingent sawm (10) an awm dawn a, pipe band St.Francis of Assissi school in an nei bawk ang. Hei bakah hian hemi ni pual hian ram hruaitu te tana tawngtai turin Kohhran te ngen ni se ti a rel a ni bawk a. District Hospital a damlo awm te leh Shelter Home a naupangte tlawh nise ti a rel a ni bawk.

Independence Day pual hian Football, Volleyball leh Badminton Tournament buatsaih leh ni se tia rel a ni bawk.

DC chuan hnam puanzar zar danah fimkhur tak leh zah taka zar ni se tiin vawiin a kalkhawm te a chah a ni.