Vawiin chhun dar 12 : 30 khan District T.B. Centre, Saiha chu Pi K.Lalrinzuali MCS, Mizoram sawrkar-a Joint Secretary, Rural Development Department chuan a hawng.

He District T.B. Centre hawnna inkhawm hi Pu VL Hruaizela Khiangte, MCS, Project Director, DRDA Saiha chuan a kaihruaia Rev Chhuakhu Khithie in hunserh a hman hnu ah Pi Lawmsangzuali Hlychho, AE (BRGF) chuan Technical Report pe in He T.B.Centre hi cheng nuai 35 senga sak anih thu a sawi.

District T.B. Centre hawnnaah hian khuallian chuan thu sawiin Saiha District chu mikhualte chunga an that thin avangin lawmthu a sawi a, hna posting siam ah pawh Saiha-a awm hreh an awm ngailo ani ati. District T.B.Centre hawn ani thei ta chu lawmawm atih thu leh a tangkai thei ang bera hman tum turin mipuite a chah ani. Pawisa kan hmuh chhun ang ang te pawh mipuite chhawr theih tura hman tangkai tum a pawimawh thu sawiin khawtlang that nan a hnathawh uar turin kalkhawm te chu a chah bawk. Naupianghlim thi tam chungchang sawiin hemi kawngah hian mitin ten mawhphurhna kan nei a ni a ti bawk.

Dr. HT Phosa, Chief Medical Officer, Saiha District, Saiha pawhin  District TB Centre hawn a ni thei ta chu lawmawm a tih thu leh Saiha District chhungah mi 7300 T.B. exam tawh niin heng zing a mi 2209 te chuan TB an vei ngei tih hmuhchhuah anih thu a sawi bawk.