Kut Hnathawktute Ni 14th January 2017-a hman dan tur ngaihtuahin vawiin khan D.C Conference Hall, Mamitah Pi Lalbiaksangi District Bawrhsap hovin thutkhawm a ni.

Mèeting hian kumin Kut Hnathawktute Ni chu uar tak leh urhsun taka hman ni se tiin a rel a, Mamit khawpui bakah W.Phaileng, Reiek, Zawlnuam leh Rajiv Nagar ah te hmang tura ruahmanna siam a ni.

Mamit khawpui bikah hian ni 14 chawhma dar 11 ah Chhimveng YMA Hall ah hman ni se tih a ni. Kumin thupui atan "Hah tak leh rim taka thawk chungin kan ei zawk a ni" tih chu AMFU, Mamit lam atanga sawi tur ruat an ni a, khuallian atan NIB lamin an rawn ruat chu lawm taka lo dawnsawn ni se tih a ni a, Meeting hian Programme kimchang a duang nghal a ni.

District chhung hmun danga Kuthnathawk tute Ni hmanna turah hian khuallian tur NIB lam atanga ruat an ni bawk ang.

Meeting-ah hian NLUP line Department te, bakah Pu H. Lianzela Nodal Officer/ Addl D.C ni bawkte an tel a ni.